Çitaku dhe Hamza takohen me Kurtin para rishqyrtimit të Ligjit për Specialen në Kuvend
Ushtruesja e detyrës së kryetares së Partisë Demokratike të Kosovës (PDK), Vlora Çitaku, dhe ish-kryetari i kësaj partie, Bedri Hamza, kanë zhvilluar sot një takim me kryeministrin e Kosovës, Albin Kurti, në ndërtesën e Qeverisë.
Takimi është mbajtur në ditën kur Kuvendi i Kosovës pritet të rishqyrtojë Ligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar, i cili është kthyer në Kuvend nga presidentja e Republikës së Kosovës.
Në rendin e ditës së Kuvendit është përfshirë rishqyrtimi i Ligjit nr. 11/L-001 për ndryshimin dhe plotësimin e Ligjit nr. 05/L-053 për Dhomat e Specializuara dhe Zyrën e Prokurorit të Specializuar.















