Kronikë

Tentoi të grabisë klinikën/ Sulmoi stomatologen me thikë, arrestohet 44-vjeçari në Korçë

09:47 - 19.11.26 GSH Gazetar
GSH APP Download on Apple Store Get it on Google Play

Një 44-vjeçar është arrestuar nga Policia e Korçës, pasi dyshohet se ka tentuar të grabisë një klinikë dentare, duke kërcënuar me thikë stomatologen.

Ngjarja ka ndodhur mbrëmjen e djeshme në lagjen nr. 4 të qytetit të Korçës, ku autori dyshohet se ka hyrë me forcë në klinikën dentare, duke mbajtur në dorë një mjet prerës.

Sipas informacioneve, 44-vjeçari ka sulmuar stomatologen dhe e ka kërcënuar me thikë. Më pas, ai ka arritur të marrë vetëm një kompjuter laptop dhe është larguar me shpejtësi nga vendi i ngjarjes.

Pas hetimeve dhe veprimeve operative, Policia ka bërë të mundur identifikimin dhe arrestimin e të dyshuarit, i cili do të përballet me akuzën e vjedhjes me dhunë.

Materialet procedurale i janë referuar Prokurorisë së Korçës, ku do të vijojnë veprimet e mëtejshme hetimore.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.