Prokuroria e Tiranës pritet të marrë në pyetje Erjon Vishkullin, 28-vjeçarin që mbeti i plagosur rëndë në sy gjatë protestës së 24 tetorit në kryeqytet.
Dëshmia e tij pritet të jetë pjesë e hetimeve për përdorimin e dyshuar të forcës joproporcionale nga efektivët e Policisë së Shtetit gjatë përplasjes me protestuesit.
I riu pësoi dëmtime të rënda në sy, pasi dyshohet se u godit nga një plumb gome gjatë protestës.
Për shkak të gjendjes së rënduar shëndetësore, Vishkulli u dërgua për kurim në Itali, ku iu nënshtrua disa ndërhyrjeve kirurgjikale me synimin për të shpëtuar shikimin.












