Takimi mes Xi Jinping, Donald Trump dhe Vladimir Putinit ka përfunduar, sipas transmetuesit shtetëror kinez CCTV dhe agjencisë ruse të lajmeve TASS. Në raportimin e saj, TASS shton se samiti mes tre liderëve zgjati një orë e gjysmë.
FOX NEWS
Presidenti Donald Trump bëri thirrje të enjten për reduktimin e armëve bërthamore, gjatë një takimi historik trepalësh me presidentin kinez Xi Jinping dhe presidentin rus Vladimir Putin në Kinë.
“Si tri fuqitë më të mëdha bërthamore në botë, Shtetet e Bashkuara, Rusia dhe Kina janë në një pozicion unik për të diskutuar mënyrat se si të zvogëlohet numri i armëve bërthamore në Tokë, si dhe të ulet rreziku që këto armë të përdoren ndonjëherë”, tha Trump. “Fuqia e tyre është e pabesueshme.”
Trump vazhdoi duke sugjeruar se heqja dorë nga armët bërthamore është “një gjë shumë e vështirë për t’u bërë”.
“Përveç shqyrtimit të mundësive për reduktimin e armatimeve në vendet tona, duhet të them se, sinqerisht, kjo është një gjë shumë e vështirë për t’u bërë, sepse, pasi i ke siguruar armët bërthamore, është shumë e vështirë të mos i kesh më”, tha presidenti.
“Për një udhëheqës shteti është shumë e vështirë të heqë dorë prej tyre. Është diçka që është vërtet e vështirë të thuhet, sepse kështu funksionon jeta, e dini: ke mijëra armë dhe pritet të heqësh dorë prej tyre, ndërkohë që ka edhe vende të tjera, përveç nesh, të cilat kanë numër shumë më të vogël armësh, por që gjithashtu zotërojnë armë bërthamore.”
“Pra, nuk është aspak e lehtë të heqësh dorë prej tyre”, shtoi ai.
© SYRI.net