Nafta dhe benzina ulen me 3 lekë për litër

Bordi i Transparencës uli me 3 lekë për litër çmimet tavan të naftës dhe benzinës në mbledhjen e 19 nëntorit, krahasuar me vendimin e një dite më parë.
Çmimi maksimal me pakicë i naftës zbriti nga 204 në 201 lekë për litër, ndërsa ai i benzinës nga 163 në 160 lekë për litër. Gazi për automjete mbeti në 71 lekë për litër.
Me 3 lekë për litër u ulën edhe çmimet tavan me shumicë. Për naftën, çmimi zbriti nga 192 në 189 lekë për litër, ndërsa për benzinën nga 151 në 148 lekë për litër.
Çmimi me shumicë i gazit për automjete mbeti i pandryshuar, në 59 lekë për litër.
Për aktivitetin e peshkimit, çmimi i naftës u ul me 4 lekë për litër, nga 109 në 105 lekë për litër.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.









