Krijohet koalicioni kundër piraterisë televizive, Armela Krasniqi tregon masat e ndërmarra nga AMA

19 Nëntor 2026 | 16:40

Pirateria audiovizive vijon të mbetet një ndër sfidat e tregut mediatik, duke shkaktuar dëme financiare për operatorët e ligjshëm dhe duke cenuar të drejtat e transmetimit. Përballë këtij fenomeni, Autoriteti i Mediave Audiovizive ka ndërmarrë nismën për krijimin e Koalicionit kundër Piraterisë Audiovizive, me synimin për të bashkuar operatorët në identifikimin dhe luftimin e transmetimeve të paautorizuara.

Në kuadër të kësaj nisme, AMA ka krijuar edhe një platformë elektronike, të quajtur PENPA, për raportimin dhe ndjekjen e rasteve të piraterisë. Kryetarja e AMA-s, Armela Krasniqi, bëri të ditur gjithashtu se në kuadër të masave kundër këtij fenomeni janë kryer 222 inspektime në terren, janë vendosur 11 gjoba dhe janë mbyllur 32 serverë të paautorizuar jashtë vendit.

“Kemi kryer 222 inspektime në terren, kemi vendosur 11 gjoba, 5 prej tyre për mosrespektim të të drejtave të transmetimit. Janë mbyllur 32 serverë të paautorizuar jashtë vendit, janë hequr 3 aplikacione, janë kryer tre sekuestrime të pajisjeve të përdorura nga piratët. TikTok ka hequr 2,776 video dhe foto që promovonin piraterinë televizive”, tha ajo.

Nisma synon të krijojë një mekanizëm të përbashkët për identifikimin, raportimin dhe ndjekjen e rasteve të piraterisë audiovizive, e cila dëmton operatorët e ligjshëm, cenon të ardhurat e tyre dhe pengon investimet në përmbajtje të reja.

Home Kryefaqja
Shiko në: YouTube
Lajme të Sugjeruara

Punimet në Nyjen e Laknasit, kufizime të qarkullimit në rrugën dytësore Tiranë-Durrës, ja segmenti dhe oraret

Autoriteti Rrugor Shqiptar ka njoftuar se duke filluar nga mbrëmja e kësaj të enjte do të ketë bllokim të përkohshëm të qarkullimit të mjeteve në...
16:12 | 19/11/2026

Nga orkidetë te “njëbrirëshi kinez”, simbolikat e dekorimit në takimim Putin-Xi-Trump

Dekorimi dhe ambienti ku u zhvillua takimi trepalësh mes presidentit rus, Vladimir Putin, atij kinez, Xi Jinping, dhe presidentit amerikan, Donald Trump, në Shenzhen, mbartën...
15:59 | 19/11/2026

Kryeministri Rama në Berlin, pritet nga kancelari gjerman Friedrich Merz

Kryeministri Edi Rama u prit këtë të enjte në Kancelarinë Federale në Berlin, nga Kancelari i Gjermanisë, Friedrich Merz. Rama ndodhet në Berlin me ftesë...
15:15 | 19/11/2026