EURO U-21 2027, FSHF mbështet modernizimin e kompleksit sportiv të Partizanit

Në kuadër të përgatitjeve për organizimin e Kampionatit Europian U-21 2027, Federata Shqiptare e Futbollit do të mbështesë modernizimin e stadiumit të Partizanit “Arena e Demave”, përmes pajisjes së tij me materiale dhe mjete të nevojshme për funksionimin dhe përmirësimin e kushteve infrastrukturore.
Komiteti Ekzekutiv i FSHF-së miratoi në mbledhjen e radhës financimin e këtij investimi, i cili synon të përmbushë nevojat organizative dhe teknike të aktivitetit europian, duke qenë se kompleksi sportiv dhe stadiumi i Partizanit do të përdoren gjatë EURO U-21 2027.
Mbështetja e FSHF-së do të mundësohet përmes fondeve të Solidaritetit të UEFA-s që klubi përfiton, duke kontribuar në përmirësimin e infrastrukturës dhe krijimin e kushteve të përshtatshme për zhvillimin e këtij kompeticioni madhor në Shqipëri.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




