“Lekët e vjedhura në postën e Durrësit janë përdorur për zgjedhje”, Peka sjell detajet e forta

19 Nëntor 2026 | 21:50

Eksperti për sigurinë dhe çështjet ndërkombëtare, Avenir Peka i ftuar këtë të enjte në emisionin “Now” me Erla Mëhllin në Euronews Albania ka folur lidhur me vjedhjen e parave në postë në Durrës.

Duke iu referuar rastit konkret, ai deklaroi se në Durrës detyra për mbledhjen e parave të institucioneve u është besuar personave që kanë vepruar në mënyrë të pakujdesshme dhe më pas kanë dashur të fajësojnë të tjerët.

Ai vuri gjithashtu në dukje se personat e lidhur me këtë çështje kanë pasur angazhime dhe objektiva të caktuara edhe gjatë procesit zgjedhor në Durrës.

“Në makro është ajo ç’ka është më e frikshmja. Jo nuk është te shifra, në makro detyrimi i drejtuesve të institucioneve të financojnë fushatën elektorale të Partisë Socialiste. Po ta them tani, mekanizmi që Partia Socialiste ka ngritur për financimin e fushatës është që drejtuesit e institucioneve gjithsecili mbulon një zonë apo një shumë të caktuar.

Rasti konkret edhe kjo ndodh në të gjitha institucionet. Rasti konkret është që kjo detyrë i është lënë një grupi idiotësh që kanë shkuar kanë bërë këtë lloj vjedhje. Po e kanë bërë në mënyrë të trashë dhe ajo çfarë kanë bërë me sa duket është që qytetarët shko bëj pagesat për aluizmin, për kadastrën, për institucionet e tjera dhe këta nuk i çonin.

Dhe vjen një kohë kur mblidhen faturat dhe këtyre institucioneve u rezultojnë faturat e paguara po s’kanë lekët dhe kanë shkuar duke kërkuar lekët e tyre ku i kanë. Kanë kërkuar lekët s’kanë dalë lekët edhe pastaj këta kanë filluar duke akuzuar njëri-tjetrin, secili për të për të shpëtuar veten.

Nëse merr individët që janë të përfshirë në këtë pjesë, duhet të shkosh te roli i tyre që kanë pasur në zgjedhjet në Durrës dhe po ta them që tani pa përmendur emra. Nëse e shikon emrat që janë të përfshirë nëse shikon familjarët e tyre do shikosh që secili prej tyre ka pasur një kuotë të caktuar votash të kërkuara nga selia qendrore këtu dhe ato vota si mblidhen. Ne e dimë se si”, tha ai.

Home Kryefaqja
Shiko në: YouTube
Lajme të Sugjeruara

Rama në Berlin: Më në fund një grup përfaqësuesish të Europës për komunikimin e mundshëm me Rusinë

Kryeministri Edi Rama gjatë takimit të nivelit të lartë të “Koalicionit të Vullnetmirëve” në Berlin ka folur për gazetarët. Rama u shpreh se mbledhja e...
21:37 | 19/11/2026

Aktivistja Greta Thunberg i bashkohet protestës në Tiranë: Bota po ndjek gjithçka që po ndodh

Aktivistja suedeze për klimën dhe mbrojtjen e mjedisit, Greta Thunberg, ka ardhur në Tiranë, ku i është bashkuar protestës duke shprehur mbështetjen e saj. Përmes...
21:31 | 19/11/2026

Rama ndan pamjet nga takimi i “Koalicionit të Vullnetmirëve”

Kryeministri Edi Rama përmes një postimi në “Facebook” ka ndarë pamje nga Berlini. Rama u prit nga kancelari Friedrich Merz. Bashkëngjitur me foto, Rama shkruan...
21:27 | 19/11/2026