E enjte, 19 nëntor 2026 DENONCO ANONIM Denonco: +355 69 20 95 843
PUBLIK PUBLIK
Gjendet pa jetë një person në banesë në Pogradec, dyshohet se kishte ndërruar jetë prej tre ditësh
Lajme

Gjendet pa jetë një person në banesë në Pogradec, dyshohet se kishte ndërruar jetë prej tre ditësh

Një ngjarje e rëndë është regjistruar në qytetin e Pogradecit, ku një 80-vjeçare është gjetur e pajetë në banesën e saj, në lagjen numër 1.

E moshuara është identifikuar si Zhuljeta Ruvina. Sipas të dhënave paraprake, dyshohet se ajo kishte ndërruar jetë rreth tre ditë përpara se trupi i saj të zbulohej.

Kanë qenë fqinjët ata që kanë vënë re mungesën e saj dhe kanë njoftuar policinë. Pas mbërritjes së efektivëve dhe hapjes së derës së banesës, është konstatuar se 80-vjeçarja nuk kishte shenja jete.

Mësohet se gruaja jetonte e vetme, pasi fëmijët e saj ndodhen jashtë vendit. Rrethanat e ngjarjes mbeten ende të paqarta, ndërsa policia po kryen veprimet procedurale për dokumentimin dhe sqarimin e plotë të rastit.

 

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.