E enjte, 19 Nëntor 2026 Te Paekspozuarit deri në 23:30 Në vijim ora 23:30: Lajmet e Fundit dhe Moti Reklamo Kontakt Karriera
Vizion Plus
Politikë

“Rama n’burg, Berisha n’burg”, Këlliçi: Ishte kusht i “mikrofonit”. Bushati: Nuk është Lëvizja Bashkë pas

A mund të ketë bashkim mes PD-së dhe forcave të tjera opozitare, përfshirë edhe protestën? Kjo ishte një tjetër temë diskutimi në studion e emisionit “Të Paekspozuarit” në Vizion Plus të Ylli Rakipit.

Për analistin Andi Bushati, ajo që ndodh në protestë dhe ajo që pretendon PD-ja janë shumë larg njëra-tjetrës.

Sipas tij, slogani kryesor i protestës, “Rama n’burg, Berisha n’burg”, e përjashton PD-në.

Por për nënkryetarin e PD-së, Belind Këlliçi, kjo është vetëm një pjesë e protestës që bën këtë thirrje.

Reklamë

Pjesë nga biseda:

Rakipi: Nëse nuk bashkoheni me askënd, faji i kujt është?

Këlliçi: Unë vij në këtë studio si përfaqësues i PD-së, partisë më të madhe opozitare. Unë po të them se as nuk vë kushte në tryezë, as nuk pranoj kushte. Unë them: hajde ulemi të gjejmë një zgjidhje për çdo bashki të vendit.

Nëse ne arrijmë të gjejmë një kompromis, këtu është faji historik i të gjithë opozitës nëse nuk gjejmë një marrëveshje. Çfarë duhet të bëjë më shumë Rama?

Rakipi: Javë më parë njerëzit dolën me thirrjen “Rama në burg, Berisha në burg”. Ju thatë se e bëri Arlind Qori.

Këlliçi: Që ajo ka qenë një slogan i nxitur nga një grupim i vogël që kontrollonte mikrofonin, ky është fakt.

Bushati: Asnjë eksponent i Lëvizjes Bashkë nuk e ka marrë mikrofonin.

Këlliçi: Jo, jo, ata kanë qenë nxitës të kësaj thirrjeje në turmë. Kushdo që ka menaxhuar mikrofonin, ju e dini që një nga kushtet ka qenë të thoje “Rama në burg, Berisha në burg”. Ajo protestë dështoi edhe për shkak të cedimit të mikrofonit.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.