Një person i moshës 77-vjeçare ka humbur jetën si pasojë e një aksidenti të trafikut që ka ndodhur në rrugën Prishtinë-Podujevë.

Viktima, me inicialet I.Ll., dyshohet se në momentin e aksidentit ndodhej në një karrocë invalidore, kur është goditur nga një automjet.


Lajmin për vdekjen e tij e ka konfirmuar Flora Ahmeti, zëdhënëse e Policisë së Kosovës.

Ajo ka bërë të ditur se lidhur me rastin po merret njësia rajonale e trafikut, e cila është duke i zhvilluar procedurat hetimore për zbardhjen e rrethanave të aksidentit.