Tre persona janë proceduar penalisht nga Policia e Tiranës për veprime të kundërligjshme gjatë protestës së zhvilluar një ditë më parë në kryeqytet.

Ndërkohë, gjatë 48 orëve të fundit, policia ka vendosur edhe 29 masa administrative, në zbatim të Aktit Normativ nr. 5, datë 28 tetor 2026. Materialet për rastet e konstatuara i janë referuar Prokurorisë për veprime të mëtejshme.

“Tiranë/Procedohen penalisht 3 shtetas për veprime të kundërligjshme gjatë tubimit të djeshëm.

Gjithashtu, gjatë 48 orëve të fundit, vendosen 29 masa administrative në bazë të Aktit Normativ.

Në vijim të veprimeve hetimore dhe procedurale, të kryera nga shërbimet e Policisë së Tiranës, në drejtimin e Prokurorisë, me qëllim nxjerrjen përpara përgjegjësisë penale, të autorëve të veprimeve të kundërligjshme, gjatë tubimit të zhvilluar dje, u proceduan penalisht 3 shtetas.

Gjithashtu, në zbatim të Aktit Normativ Nr. 5, datë 28.10.2026, konkretisht pikës 2 të nenit 24/1, janë plotësuar 29 procesverbale për konstatimin e kundërvajtjeve administrative të kryera gjatë 48 orëve të fundit.

Materialet procedurale iu referuan Prokurorisë, për veprime të mëtejshme”, shkruan policia.

Top Channel