Kamerat kapin momentin kur kryeministrja japoneze nxjerr gjuhën gjatë samitit në Kinë
Një moment i pazakontë gjatë përshëndetjes mes kryeministres së Japonisë, Sanae Takaichi, dhe homologut të saj malajzian, Anwar Ibrahim, ka tërhequr vëmendjen në rrjetet sociale.
Kryeministrja japoneze u filmua duke nxjerrë gjuhën gjatë përshëndetjes.
😜 Japan’s Prime Minister Sticks Out Her Tongue at a Summit of World LeadersSanae Takaichi decided to lighten the mood at the summit in Shenzhen. Sitting next to Malaysian Prime Minister Anwar Ibrahim, she returned his greeting with her palms pressed together, flashed a huge smile, made a funny face, and even briefly stuck out her tongue.The video quickly went viral on social media. Japan’s prime minister showed that even at formal diplomatic gatherings, there’s room for a little personality and spontaneity.
— NEXTA (@nexta_tv) November 20, 2026
Ngjarja ndodhi përpara Samitit të Liderëve të Bashkëpunimit Ekonomik Azi-Paqësor (APEC), të mbajtur në Shenzhen të Kinës.
Gjatë takimit, Ibrahim përshëndeti homologen japoneze duke bashkuar pëllëmbët e duarve, një gjest tradicional respekti në disa vende aziatike.
Takaichi u përpoq t'ia kthente përshëndetjen, por për një moment i ngatërroi duart, duke i vendosur në mënyrë të kryqëzuar.
Pas këtij momenti, kryeministrja japoneze buzëqeshi, ktheu pak kokën dhe nxori shkurtimisht gjuhën, një reagim spontan që u kap nga kamerat.
Videoja u shpërnda në rrjetet sociale, duke nxitur reagime të ndryshme.
Disa përdorues e konsideruan gjestin e Takaichit si një reagim natyral dhe humoristik, ndërsa të tjerë e kritikuan si të papërshtatshëm për një takim diplomatik të nivelit të lartë. /Telegrafi/




























