Mijëra studentë dhe punonjës protestuan në mbarë Italinë të premten, ndërsa sindikata më e madhe e vendit organizoi një grevë të përgjithshme kundër politikave ekonomike të kryeministres Giorgia Meloni, duke kërkuar paga më të larta dhe më shumë shpenzime për shërbimet publike. Protestat në Itali përkojnë me një valë më të gjerë mobilizimi të të rinjve në Evropë; demonstrata studentore janë planifikuar gjithashtu në Gjermani, Francë, Britani, Austri dhe Belgjikë, kundër rritjes së kostos së jetesës dhe shpenzimeve ushtarake. Në itali, greva ishte planifikuar të zgjaste gjatë gjithë ditës së punës dhe të përfshinte punonjës si nga sektori privat, ashtu edhe nga ai publik, përfshirë shkollat dhe sistemin shëndetësor. Shërbimet e transportit ajror dhe hekurudhor nuk u përfshinë në grevën e përgjithshme, ndërsa ndikimi në transportin publik lokal ishte i kufizuar për shkak të detyrimit për të ofruar shërbime minimale.