Anëtari i Kryesisë së Partisë Demokratike dhe nënkryetari i Këshillit Bashkiak të Tiranës, Dorian Teliti, ka kritikuar qeverisjen e Partisë Socialiste, duke deklaruar se Shqipëria vijon të jetë vendi më i varfër në Evropë, si pasojë e keqqeverisjes dhe përqendrimit të pasurisë në duart e një pakice.
I ftuar në edicionin e mesditës në Syri TV, Teliti u shpreh se situata e varfërisë në vend nuk përbën më një surprizë, pasi, sipas tij, prej vitesh Shqipëria renditet në fund të klasifikimeve evropiane për mirëqenien ekonomike.
Ai theksoi se, ndonëse qeveria përdor treguesit e të ardhurave mesatare për frymë për të paraqitur një panoramë pozitive të ekonomisë, realiteti për qytetarët është krejt ndryshe.
Sipas Telitit, problemi kryesor qëndron te shpërndarja e pabarabartë e pasurisë, e cila është përqendruar në duart e një numri të vogël njerëzish.
“U bënë gjithë këto vite, dhjetëvjeçari i fundit konkretisht, që Eurostati na konsideron vendin më të varfër jo të Evropës, por edhe të Ballkanit. Shiko kalo kufirin në Maqedoninë e Veriut, është tre herë më e ulët varfëria se në Shqipëri. Faktikisht po të shikojmë të ardhurat ne kemi më shumë se sa Maqedonia për frymë. Mesataren që përdor qeveria.












