Mbrojtja e viktimave është prioritet, dhuna nuk duhet të jetë objekt i përplasjeve partiake, thonë sot nga Qeveria e Maqedonisë së Veriut.

"Qeveria tashmë punon për përmirësimin e zgjidhjeve ekzistuese, ndërsa institucionet kompetente ndërmarrin masa në kuadër të kompetencave të tyre", thonë nga Qeveria.


Nga atje thonë se në këtë proces, kontributi i opinionit profesional dhe i organizatave që punojnë çdo ditë me viktimat është i rëndësishëm.

"Njëkohësisht, konsiderojmë se debati publik për një temë kaq të ndjeshme duhet të zhvillohet me përgjegjësi të veçantë.

Mesazhet e dallueshme partiake në debatin për dhunën e vështirësojnë bashkëpunimin për të cilin kanë nevojë viktimat, ndërsa narrativi politik e largon vëmendjen nga çështja që duhet të jetë në qendër të vëmendjes, e ajo është mbrojtja e viktimave", thuhet në njoftim./Telegrafi/