Lajmi i fundit

SYRI DIGJITAL/ Siguria kombëtare, Vlora Hyseni, SPAK

Messi në fronin e milionerëve të MLS-së, shihni sa fiton në vit! Lewandowski dhe Griezmann pas tij

Messi në fronin e milionerëve të MLS-së, shihni sa fiton në vit! Lewandowski dhe Griezmann pas tij

17:25, 20/11/2026

Lionel Messi vazhdon të jetë futbollisti më i paguar në kampionatin amerikan MLS, duke kryesuar listën e lojtarëve me pagat më të larta.

Sipas të dhënave të fundit të Sindikatës së Futbollistëve, ylli argjentinas përfiton plot 28.3 milionë dollarë në vit nga kontrata e tij me Inter Miamin.

Pavarësisht se tashmë është 39-vjeçar, Messi vazhdon të mbajë vendin e parë në këtë klasifikim, duke lënë pas emra të njohur të futbollit botëror.

Kontrata e tij me klubin amerikan është e vlefshme deri në vitin 2028, ndërsa paga e tij është rritur me afro 8 milionë dollarë krahasuar me vitin e kaluar.

Në vendin e dytë renditet sulmuesi polak Robert Lewandowski, i cili, sipas raportimit, përfiton 19.51 milionë dollarë në vit pas transferimit te Chicago verën e kaluar.

Podiumi plotësohet nga francezi Antoine Griezmann, me të ardhura vjetore prej afro 13.94 milionë dollarësh.

Këto shifra përfshijnë kompensimin e raportuar nga klubet, por jo të ardhurat që futbollistët sigurojnë nga burime të tjera, si sponsorët dhe marrëveshjet komerciale.

Kështu, Messi vazhdon të jetë mbreti financiar i MLS-së, me një diferencë të konsiderueshme ndaj rivalëve të tij në kampionatin amerikan.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco