Close Menu
Informohu siç duhetInformohu siç duhet
    Lajmet e fundit

    Qeveria miraton kompensimin e qirasë për punonjësit e burgjeve që transferohen mbi 36 km larg banesës

    Kurti i bën thirrje Zelenskyt të njohë Kosovën: Krimea është Ukrainë, Kosova është Kosovë

    Arbër Çepani zbulon detaje nga jeta private dhe tregon nëse do të rikthehej në Big Brother

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Kurti i bën thirrje Zelenskyt të njohë Kosovën: Krimea është Ukrainë, Kosova është Kosovë
    Botë

    Kurti i bën thirrje Zelenskyt të njohë Kosovën: Krimea është Ukrainë, Kosova është Kosovë

    November 20, 2026

    Kryeministri i Kosovës, Albin Kurti, i ka kërkuar presidentit ukrainas Volodymyr Zelensky që ta njohë pavarësinë e Kosovës, duke argumentuar se ky vendim do të ishte në përputhje me parimet për të cilat Ukraina po lufton kundër agresionit rus.

    Në një opinion të publikuar në gazetën ukrainase “Kyiv Post”, Kurti ka kundërshtuar krahasimet që presidenti rus Vladimir Putin ka bërë mes Kosovës dhe aneksimit të Krimesë, duke theksuar se bëhet fjalë për dy raste me histori dhe rrethana krejtësisht të ndryshme.

    Kryeministri ka rikujtuar se në gusht të këtij viti Zelensky deklaroi se qëndrimi i Ukrainës për mosnjohjen e Kosovës mbetet i pandryshuar. Sipas Kurtit, është domethënëse që kjo deklaratë u bë në Beograd, kryeqytetin e Serbisë, të cilën ai e cilëson si një nga aleatët më të afërt të Rusisë.

    Në të kundërt, Kosova ka mbështetur Ukrainën që prej nisjes së agresionit rus, duke dënuar sulmet e Moskës, duke u rreshtuar me sanksionet e SHBA-së dhe Bashkimit Evropian, si dhe duke strehuar gazetarë ukrainas e duke kontribuar me ndihmë dhe trajnime ushtarake.

    Kurti argumenton se të dy vendet kanë përvoja historike që lidhen me pretendimet territoriale të një shteti fqinj, të mbështetura në interpretime të historisë. Megjithatë, sipas tij, kjo nuk e bën të pranueshme që rasti i Kosovës të përdoret si justifikim për aneksimin e territoreve ukrainase nga Rusia.

    Në opinionin e tij, kryeministri i Kosovës i është referuar deklaratave të Putinit pas aneksimit të Krimesë, kur presidenti rus pretendoi se Perëndimi kishte krijuar precedentin e Kosovës dhe se banorët e gadishullit po kërkonin të njëjtën të drejtë. Kurti vlerëson se Moska e përdor këtë krahasim jo për të mbrojtur të drejtën ndërkombëtare, por për të diskredituar Perëndimin dhe për të paraqitur veprimet e saj si të krahasueshme me ndërhyrjen ndërkombëtare në Kosovë.

    Për të argumentuar dallimet mes dy rasteve, Kurti ka rikthyer zhvillimet që i paraprinë pavarësisë së Kosovës, duke përmendur represionin ndaj shqiptarëve në ish-Jugosllavi, luftën, spastrimin etnik dhe krimet e kryera nga Serbia.

    Ai ka kujtuar ndërhyrjen e NATO-s në vitin 1999, negociatat ndërkombëtare për statusin e Kosovës, të nisura në vitin 2005 nën drejtimin e të dërguarit të posaçëm të OKB-së, Martti Ahtisaari, si dhe opinionin këshillëdhënës të Gjykatës Ndërkombëtare të Drejtësisë në vitin 2010.

    Kjo gjykatë konstatoi se shpallja e pavarësisë së Kosovës nuk kishte shkelur të drejtën ndërkombëtare. Duke iu referuar këtij vendimi dhe rrethanave historike, Kurti thekson se pavarësia e Kosovës nuk mund të shërbejë si precedent për aneksimin e territoreve nga një shtet tjetër.

    “Kosova nuk është precedenti i Putinit”, shkruan ai, duke nënvizuar se çdo rast i vetëvendosjes duhet të vlerësohet mbi bazën e historisë dhe rrethanave konkrete.

    Një pjesë të opinionit, Kurti ia ka kushtuar edhe personave të zhdukur gjatë luftës në Kosovë. Ai thekson se familjet vazhdojnë të kërkojnë mbetjet mortore të të afërmve të tyre, ndërsa Serbia nuk ka dhënë informacion të plotë për vendndodhjen e varrezave masive.

    Në këtë kontekst, kryeministri ka përmendur edhe vizitën e tij gjatë verës në Zubin Potok, ku në një zonë pyjore janë zbuluar mbetje mortore që dyshohet se lidhen me civilë të rrëmbyer dhe zhdukur me forcë gjatë luftës.

    Në përfundim, Kurti ka theksuar orientimin e përbashkët të Kosovës dhe Ukrainës drejt integrimit në Bashkimin Evropian dhe NATO, duke argumentuar se njohja e Kosovës nga Kievi do të ishte në përputhje me parimet e respektimit të rendit ndërkombëtar, mosndryshimit të kufijve me forcë dhe të drejtës së popujve për të përcaktuar të ardhmen e tyre.

    “Krimea është Ukrainë. Dhe Kosova është Kosovë”, e përfundon Kurti opinionin e tij në “Kyiv Post”.

    My opinion piece for Kyiv Post on why Ukraine should recognize Kosova’s independence: https://t.co/Py9ZK9BWU7

    — Albin Kurti (@albinkurti) November 20, 2026
    kurti Zelensky
    Share. Facebook WhatsApp
    Demo
    Postimet e reja

    Qeveria miraton kompensimin e qirasë për punonjësit e burgjeve që transferohen mbi 36 km larg banesës

    November 20, 2026

    Kurti i bën thirrje Zelenskyt të njohë Kosovën: Krimea është Ukrainë, Kosova është Kosovë

    November 20, 2026

    Arbër Çepani zbulon detaje nga jeta private dhe tregon nëse do të rikthehej në Big Brother

    November 20, 2026

    Princi Harry gati t’i rikthehet ushtrisë: Do të luftoja për vendin tim nëse do të kishte nevojë

    November 20, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    Horoskopi 20 nëntor 2026/ Çfarë kanë rezervuar yjet për shenjën tuaj

    Horoskopi 19 nëntor 2026, zbuloni parashikimet e yjeve

    Horoskopi 18 nëntor 2026, zbuloni parashikimet e yjeve

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.