E premte, 20 Nëntor 2026 Film TV deri në 23:15 Në vijim ora 23:15: Lajmet e Fundit dhe Moti Reklamo Kontakt Karriera
Vizion Plus
Breaking përditësuar 5 minuta më parë
Bota

Vance mbron Trump për luftën me Iranin: Detyra ime është të mbështes presidentin

Zëvendëspresidenti i SHBA-së, JD Vance, ka dalë në mbrojtje të vendimit të presidentit Donald Trump në luftën kundër Iranit, duke iu përgjigjur pyetjeve mbi ndikimin e këtij konflikti në rezultatin e zgjedhjeve afatmesme amerikane.

Gjatë një konference për shtyp të mbajtur në Shtëpinë e Bardhë krah Trumpit, Vance e vuri theksin te rreziku që paraqet programi bërthamor iranian dhe te roli i tij institucional në mbështetje të vendimeve presidenciale.

Duke folur përpara gazetarëve, Vance deklaroi se parandalimi i Iranit nga pajisja me armë bërthamore është një objektiv i domosdoshëm strategjik, duke shtuar se nëse Teherani do të zotëronte një armë të tillë, do ta përdorte atë.

Sipas tij, Irani mbetet sponsori më i madh shtetëror i terrorizmit dhe një armë bërthamore do të shfrytëzohej prej tij si mjet presioni ose për sulm.

Reklamë

Vance nënvizoi gjithashtu se vendimmarrja i takon presidentit dhe se Trump ka bërë të qartë se do ta ndërmerrte sërish luftën kundër Iranit.

“Detyra ime është të mbështes presidentin”, u shpreh ai, duke reflektuar linjën e tij të mbështetjes ndaj kreut të Shtëpisë së Bardhë edhe pse pas zgjedhjeve afatmesme kishte ngritur publikisht në rrjetin X çështjen e kostos politike të konfliktit dhe humbjes së kontrollit republikan në Kongres.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.