AI News
  • Investigime
  • Analiza
  • Lajme
    • Rajoni
  • Reportazhe
    • Profil
  • Opinion
    • Blog
    • Project Syndicate
    • Ese
  • Intervista
Nuk u gjet
Shiko të gjitha rezultatet
  • Tema:
  • Belinda Balluku
  • Erion Veliaj
  • Veting
    • KPK
    • KP
    • KPA
  • SPAK
  • Mjedisi
  • Edi Rama
  • Sali Berisha
  • Zgjedhje 2025
    • Zgjedhje të pjesshme
AI News
  • Investigime
  • Analiza
  • Lajme
    • Rajoni
  • Reportazhe
    • Profil
  • Opinion
    • Blog
    • Project Syndicate
    • Ese
  • Intervista
Nuk u gjet
Shiko të gjitha rezultatet
AI News
Kryefaqja Lajme

FMN kundërshton uljen e TVSH-së për ushqimet dhe heqjen e taksës së qarkullimit

Fondi Monetar Ndërkombëtar vlerëson se dy nga masat kryesore të paketës fiskale për vitin 2027 janë të kushtueshme për buxhetin dhe përfitojnë prej tyre edhe shtresat që nuk kanë nevojë për mbështetje. Fondi kërkon një politikë fiskale më të shtrënguar dhe paralajmëron për pasiguri në përllogaritjen e kostove të paketës.

BIRNngaBIRN
20 seconds më parë
në Lajme
Koha e leximit: 4 min lexim
A A
0
Ndaj në FacebookNdaj në Twitter
ibkrgjb 20260805210331134
Ministri i Financave Petrit Malaj ne Kuvend | Foto: LSA

Fondi Monetar Ndërkombëtar, FMN, kritikoi të premten uljen e TVSH-së për produktet ushqimore dhe heqjen e taksës së qarkullimit nga karburantet, dy prej masave kryesore të paketës fiskale të qeverisë sw kryeministri Edi Rama për vitin 2027, duke paralajmëruar se masa kanë kosto të lartë për buxhetin dhe nuk janë të shënjestruara te familjet në nevojë.

Ekspertët e FMN-së vlerësojnë se paketa fiskale përmban hapa pozitivë për zgjerimin e bazës tatimore dhe kufizimin e trajtimeve preferenciale, por kundërshtojnë disa nga masat që synojnë uljen e kostos së jetesës.

“Ulja e përhershme e normës së TVSH-së për produktet ushqimore dhe eliminimi i taksës së qarkullimit kanë kosto fiskale, shtrembërojnë sinjalet e çmimeve dhe përfitojnë prej tyre segmente të popullsisë që nuk kanë nevojë për mbështetje”, thuhet në deklaratën e Fondit.

Sipas FMN-së, mbështetja për familjet e cenueshme do të ishte më efektive nëse ofrohej përmes ndihmës sociale të drejtpërdrejtë dhe të shënjestruar, në vend të uljes së përgjithshme të taksave mbi konsumin.

Megjithatë, Fondi mirëpret disa elemente të tjera të paketës, përfshirë uljen e pragut të regjistrimit në TVSH, përafrimin e tatimit mbi dividendin me taksat e tjera dhe reduktimin e trajtimit tatimor preferencial për sektorin e akomodimit.

Këto masa, sipas FMN-së, përbëjnë hapa drejt një sistemi tatimor me bazë më të gjerë dhe më neutral, por duhet të shoqërohen me forcimin e kapaciteteve të administratës tatimore për të luftuar informalitetin.

Fondi vlerëson se paketa fiskale, e cila pritet të hyjë në fuqi në vitin 2027, do të ketë përgjithësisht efekt neutral mbi buxhetin. Megjithatë, ai paralajmëron se si përllogaritjet e të ardhurave shtesë, ashtu edhe ato të kostove fiskale, mbeten të pasigurta.

FMN kërkon politikë fiskale më pak ekspansioniste

Paketa fiskale e vitit 2027, e miratuar në parim nga Kuvendi në seancën e 18 nëntorit, parashikon uljen e TVSH-së nga 20% në 6% për 54 produkte ushqimore bazë, ndërsa norma standarde e TVSH-së për mallrat dhe shërbimet e tjera rritet nga 20% në 21%.

Paketa përfshin gjithashtu heqjen e taksës së qarkullimit nga çmimi i karburanteve dhe zhvendosjen e saj te taksimi vjetor i automjeteve, uljen e pragut të regjistrimit në TVSH nga 10 në 5 milionë lekë xhiro vjetore, rritjen e tatimit mbi dividendin dhe kufizimin e lehtësive fiskale për sektorin e akomodimit turistik, ku TVSH-ja rritet nga 6% në 10%. Qeveria e ka paraqitur paketën si një instrument për uljen e kostos së jetesës dhe rishpërndarjen e barrës tatimore, duke pretenduar se efekti i saj i përgjithshëm mbi buxhetin do të jetë neutral.

Paketa fiskale pritet të marrë miratimin e Kuvendit në një klimë tensionesh të forta sociale, ndërsa kryeministri Edi Rama përballet me një valë protestash studentore që kanë vënë në qendër të zemërimit publik korrupsionin, pabarazinë ekonomike dhe koston gjithnjë e më të rëndë të jetesës.

Megjithatë, FMN i rekomandon qeverisë shqiptare të ndjekë një politikë fiskale më pak ekspansioniste gjatë vitit 2027, në kushtet kur ekonomia vijon të operojë mbi potencialin e saj dhe inflacioni mbetet mbi objektivin e Bankës së Shqipërisë.

Sipas vlerësimeve të Fondit, suficiti primar i buxhetit pritet të mbetet në rreth 0.3 për qind të Prodhimit të Brendshëm Bruto në vitin 2026, përpara se të bjerë në zero në vitin 2027.

FMN rekomandon masa fiskale shtesë me efekt prej 0.3 për qind të PBB-së në buxhetin e vitit të ardhshëm, krahasuar me politikat aktuale.

Fondi kritikon gjithashtu përdorimin e përsëritur të akteve normative për ndryshimin e buxhetit gjatë vitit, përmes të cilave qeveria rishpërndan të ardhurat mbi planin ose fondet e pashpenzuara të investimeve drejt shpenzimeve korrente të paparashikuara.

Sipas ekspertëve, kjo praktikë dobëson besueshmërinë e buxhetit dhe mund të përforcojë luhatjet e ciklit ekonomik.

FMN paralajmëron se në periudhën afatmesme Shqipëria do të përballet me presione të konsiderueshme për rritjen e shpenzimeve në shëndetësi, arsim dhe pensione, ndërsa nevojat e sigurisë mund të rrisin edhe shpenzimet për mbrojtjen.

Sipas përllogaritjeve të Fondit, këto presione shtesë mund të arrijnë në 3 për qind të PBB-së deri në vitin 2031, ndërsa për përballimin e tyre do të nevojiten masa fiskale kumulative me efekt prej 3.7 për qind të PBB-së gjatë periudhës 2026–2031.

Për këtë arsye, FMN rekomandon rritjen e qëndrueshme të të ardhurave buxhetore, përmirësimin e eficiencës së shpenzimeve dhe forcimin e administrimit të investimeve publike.

Ekonomia pritet të ngadalësohet

Pavarësisht kritikave ndaj politikave fiskale, FMN vlerëson pozitivisht performancën makroekonomike të Shqipërisë, duke evidentuar rritjen ekonomike, uljen e borxhit publik dhe forcimin e pozicionit të jashtëm të vendit.

Sipas Fondit, ekonomia shqiptare u rrit me 3.7 për qind në vitin 2025 dhe ruajti të njëjtin ritëm gjatë gjysmës së parë të vitit 2026, e mbështetur nga konsumi privat, turizmi dhe zgjerimi i kredisë.

Megjithatë, rritja ekonomike pritet të ngadalësohet në 3.5 për qind gjatë vitit 2026 dhe të konvergojë drejt një potenciali afatmesëm prej rreth 3.2 për qind nga viti 2027, për shkak të plakjes së popullsisë, emigracionit dhe tkurrjes së ofertës së punës.

Inflacioni, i cili arriti në 3.4 për qind në tetor 2026 si pasojë e rritjes së çmimeve të ushqimeve dhe energjisë, parashikohet të bjerë në 2.7 për qind në fund të vitit 2027.

FMN vlerëson se ndryshimet e propozuara në TVSH dhe taksën e qarkullimit do të kenë një efekt të përkohshëm ulës prej rreth 0.3 pikësh përqindjeje mbi inflacionin, por paralajmëron se mbetet e pasigurt se në çfarë mase ndryshimet tatimore do të reflektohen në çmimet e paguara nga konsumatorët.

Në deklaratë, FMN tërheq gjithashtu vëmendjen për rreziqet fiskale që lidhen me zgjerimin e rolit të shtetit në ekonomi, përfshirë ndërmarrjet publike, partneritetet publike-private dhe garancitë qeveritare.

Fondi kërkon që krijimi i ndërmarrjeve të reja shtetërore të mbështetet në nevoja të qarta të tregut dhe të shoqërohet me qeverisje të fortë, financim transparent dhe mbikëqyrje efektive nga Ministria e Financave.

FMN rekomandon gjithashtu që përmirësimi i pensioneve të bëhet përmes një sistemi të qëndrueshëm dhe të bazuar në rregulla, në vend të bonuseve të rastësishme, si dhe propozon lidhjen e moshës së pensionit me jetëgjatësinë.

 

ibkrgjb 20260805210331134

FMN kundërshton uljen e TVSH-së për ushqimet dhe heqjen e taksës së qarkullimit

21:45 | 20/11/2026
Basti i madh i Macron u shpërblye

Rrënjët e dështimit të Emmanuel Macron

17:12 | 20/11/2026
vlore

Konfiskohen 16 milionë euro prona të Artur Shehut dhe rrethit të tij në Ujë të Ftohtë

13:45 | 20/11/2026
whatsapp image 2026 11 19 at 6.50.18 pm

Arrestimet e paligjshme, avokatët kërkojnë të mbahet përgjegjësi nga Policia e Shtetit

12:56 | 20/11/2026
feature image e1795099884405

Skandali Kimberly Guilfoyle nuk e ndal Greqinë drejt gazit amerikan

10:47 | 20/11/2026
Sky ECC: ‘Arma’ e SPAK kundër krimit të organizuar sfidohet në Kushtetuese

Si po e përdor krimi i organizuar teknologjinë për t’u mbrojtur nga Policia

06:45 | 20/11/2026
  • Opinion
  • Reportazhe
  • Analiza
  • Investigime
  • Lajme
  • Blog
  • Rajoni
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Letra për redaktorin
Follow Us

Të gjitha të drejtat janë të rezervuara
© 2014 - 2026 Reporter.al - BIRN
Dev by Sfida.PRO

Menaxho Pëlqimin

Për të ofruar përvojën më të mirë, ne përdorim teknologji si cookies për të ruajtur dhe/ose për të aksesuar informacionin e pajisjes. Pranimi i këtyre teknologjive do të na lejojë të përpunojmë të dhëna si sjellja e shfletimit ose ID-të unike në këtë faqe. Mos pranimi ose tërheqja e pëlqimit mund të ndikojë negativisht në disa veçori dhe funksione.

Funksionale Always active
Ruajtja ose aksesi teknik është rreptësisht i nevojshëm për qëllimin e ligjshëm të mundësimit të përdorimit të një shërbimi specifik të kërkuar shprehimisht nga abonenti ose përdoruesi, ose me qëllimin e vetëm të kryerjes së transmetimit të një komunikimi përmes një rrjeti komunikimi elektronik.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistika
Ruajtja ose aksesi teknik që përdoret ekskluzivisht për qëllime statistikore. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
Ruajtja ose aksesi teknik është i nevojshëm për të krijuar profile përdoruesish me qëllim dërgimin e reklamave, ose për të ndjekur përdoruesin në një faqe interneti ose në disa faqe interneti për qëllime të ngjashme marketingu.
  • Manage options
  • Manage services
  • Manage {vendor_count} vendors
  • Read more about these purposes
Shiko preferencat
  • {title}
  • {title}
  • {title}
Nuk u gjet
Shiko të gjitha rezultatet
  • Investigime
  • Analiza
  • Lajme
    • Rajoni
  • Reportazhe
    • Profil
  • Opinion
    • Blog
    • Project Syndicate
    • Ese
  • Intervista

© 2024 Reporter.al - Dev by aplikacione.com.