
Bayern Munich ka lënë dy pikë të rëndësishme në shtëpi, pasi është ndalur në një barazim 1-1 përballë Kolnit, në një ndeshje që solli edhe një lajm shqetësues për trajnerin Vincent Kompany.
Bavarezët nuk arritën të shfrytëzonin faktorin fushë në Allianz Arena, ndërsa shqetësimi më i madh për skuadrën ishte dëmtimi i Harry Kane. Sulmuesi anglez u detyrua të largohej nga fusha që në minutën e 20-të, pas një problemi fizik.
Sa i përket sfidës, ishte Kolni që befasoi vendasit, duke kaluar në avantazh me Moore. Megjithatë, Bayerni reagoi përpara përfundimit të pjesës së parë, kur Brown riktheu baraspeshën në rezultat.
Pavarësisht përpjekjeve në pjesën e dytë, skuadra e Kompany nuk arriti të gjente golin e fitores, duke u mjaftuar me një pikë në shtëpi.
Një rezultat zhgënjyes për Bayern Munich, por mbi të gjitha një mbrëmje me shumë pikëpyetje për shkak të gjendjes fizike të Harry Kane, dëmtimi i të cilit pritet të mësohet më qartë pas ekzaminimeve mjekësore.