Me ftesë të ambasadores së Kinës në Tiranë, Pang Chunxue, u zhvillua Forumi Mediatik Kinë-Shqipëri, me në fokus thellimin e dialogut dhe bashkëpunimit mediatik mes dy vendeve. Pjesë e tryezës ishte edhe diplomatja kineze, e cila në mesazhin e saj vuri theksin te marrëdhëniet e forta mes dy vendeve, që vazhdojnë të forcohen prej dekadash. “Marrëdhëniet Kinë–Shqipëri i kanë rezistuar provës së kohës dhe kanë mbetur të qëndrueshme dhe të shëndosha. Sot, marrëdhëniet mes dy vendeve vazhdojnë të zhvillohen me shkëmbime në rritje në tregti, investime, turizëm, kulturë, arsim dhe fusha të tjera. Nën udhëheqjen e liderëve të dy vendeve, marrëdhëniet tona me siguri do të hyjnë në një të ardhme edhe më të ndritur”.