Kafshoi ëmbëlsirën pa e vënë re grerëzën, i riu shqiptar përfundon me urgjencë në spital

Shkruar nga: A Shehaj | Publikuar më: 21.11.2026, 09:30

Një ngjarje e pazakontë ka ndodhur në portin e Ankonës, në Itali, ku një 35-vjeçar shqiptar është dërguar me urgjencë në spitalin e Torrette-s, pasi u pickua nga një grerëz brenda gojës.

Gjithçka ndodhi teksa i riu ishte ndalur në një lokal pranë portit për të ngrënë mëngjes. Ai kishte porositur një ëmbëlsirë me krem, por pa e vënë re, mbi të ishte vendosur një grerëz.

Pa e kuptuar praninë e insektit, 35-vjeçari kafshoi ëmbëlsirën. Në atë moment, ai ndjeu dhimbje të forta në gojë dhe, duke mos kuptuar menjëherë se çfarë kishte ndodhur, kërkoi me dëshpërim ndihmë.

Më pas u konstatua se grerëza e kishte pickuar brenda zgavrës së gojës.

Në vendngjarje mbërritën menjëherë ekipet e Kryqit të Verdhë (Croce Gialla), së bashku me autoambulancën me mjek.

Pas ndihmës së parë, 35-vjeçari u transportua në spitalin e Torrette-s, me kod urgjence të shkallës së mesme.

Në spital atij iu administrua një trajtim medikamentoz për të parandaluar shfaqjen e shokut anafilaktik, një reaksion alergjik i rëndë që mund të rrezikojë jetën.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit