Kryeministri i Kosovës, Albin Kurti, i ka bërë thirrje publike presidentit të Ukrainës, Volodymyr Zelensky, që Kievi ta njohë pavarësinë e Kosovës. Në një opinion të publikuar në një media ukrainase, Kurti ka komentuar qëndrimin e shprehur nga Zelensky gjatë vizitës së tij në Beograd, ku kreu i shtetit ukrainas deklaroi se pozicioni i vendit të tij ndaj Kosovës mbetet i pandryshuar.