E shtunë, 21 nëntor 2026 DENONCO ANONIM Denonco: +355 69 20 95 843
PUBLIK PUBLIK
“Hajdut, kriminel”, qytetarët përballen me Ramën pas Asamblesë së PS-së
Lajme

“Hajdut, kriminel”, qytetarët përballen me Ramën pas Asamblesë së PS-së

Pas përfundimit të Asamblesë së Partisë Socialiste në Tiranë, kryeministri Edi Rama është përballur me protestën e një grupi qytetarësh që e prisnin jashtë ambienteve të Akademisë së Arteve.

Teksa kreu i qeverisë po largohej nga godina, protestuesit kanë nisur thirrjet kundër tij, duke kërkuar dorëheqjen dhe duke e akuzuar qeverinë për lidhje me korrupsionin dhe krimin.

“Rama, jepe dorëheqjen!”, “Qeveri e krimit, hajdutë, kriminelë!”, ishin disa nga thirrjet që u dëgjuan gjatë përballjes. Nga pamjet e publikuara, Rama duket se u ka propozuar protestuesve të zhvillojnë një bisedë, por ata kanë vijuar me akuzat ndaj tij.

Përballja ndodhi në momentin kur kryeministri po largohej nga mbledhja e Asamblesë së PS-së, ku kishte folur për organizimin e strukturave socialiste në Tiranë dhe përgatitjet për zgjedhjet e ardhshme vendore, të cilat i përmendi për 9 majin 2027.

Gjatë fjalës së tij, Rama u ndal edhe te përgjegjësitë brenda Partisë Socialiste, duke paralajmëruar se personat që cenojnë besimin e qytetarëve nuk do të tolerohen më në radhët e partisë.

“Askush që cenon besimin që qytetarët i dhanë për drejtimin e Shqipërisë nuk do të tolerohet dhe aq më pak të ketë më vend në familjen e Partisë Socialiste”, ishte mesazhi i tij.

Ai shtoi se askush nuk është i pazëvendësueshëm në strukturat politike të PS-së, duke deklaruar:

“Kushdo të sillet si e ëma e Zeqos në majë të thanës me detyrat ndaj familjes sonë politike dhe borxhet që i kemi atyre që na kanë besuar, nuk do të ketë më vend në këtë shtëpi politike. Të gjithë janë të nevojshëm, por askush i domosdoshëm”.

Protesta jashtë Akademisë së Arteve u zhvillua në një moment kur Rama sapo kishte përfunduar takimin me strukturat e partisë në Tiranë, duke e shoqëruar largimin e tij me thirrje të drejtpërdrejta për dorëheqje.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.