“Mirënjohje për secilin prej jush”, djali i Jakup Krasniqit reagon pas largimit të babait drejt Hagës

21 Nëntor 2026 | 18:26

Djali i ish-kryetarit të Kuvendit të Kosovës, Jakup Krasniqi, ka shprehur mirënjohjen për të gjithë ata që i kanë qëndruar pranë dhe kanë treguar solidaritet në këto ditë të vështira.

Përmes një mesazhi falenderues, Altin Krasniqi, ka vlerësuar mbështetjen dhe përkrahjen e marrë nga qytetarët dhe të gjithë ata që janë solidarizuar me ta.

“Në emër të familjes, shpreh mirënjohjen dhe falenderimin tonë për secilin prej jush që, në këto momente të vështira për familjen tonë, u solidarizuat me ne dhe na dhatë forcë”, thuhet në mesazhin e publikuar.

Falenderimi vjen pas ditëve të vështira për familjen Krasniqi, ndërsa kjo e fundit ka vlerësuar çdo mesazh, gjest dhe mbështetje të marrë gjatë kësaj periudhe.

Jakup Krasniqi është larguar të shtunën nga shtëpia e tij në Prishtinë, pas përfundimit të vizitës katërditore pranë familjes.

Nën masa të rrepta sigurie, ai është përcjellë drejt aeroportit për t’u kthyer në Hagë, ku mbahet në kuadër të procesit gjyqësor në Dhomat e Specializuara.

Largimi i tij është shoqëruar me emocione, lot dhe përqafime. Djali dhe vajza e tij e kanë përshëndetur te dera e shtëpisë, ndërsa familjarët e tjerë e kanë përcjellë nga ballkoni.

Gjatë qëndrimit në Kosovë, Krasniqi ka kaluar kohë me familjen, nën mbikëqyrjen e pjesëtarëve të EULEX-it dhe Policisë së Kosovës.

Home Kryefaqja
Shiko në: YouTube
Lajme të Sugjeruara

Kurti dhe liderët e rajonit mblidhen në Bruksel, kreu i Parlamentit serb nuk merr pjesë

Kryetari i ri i Kuvendit të Serbisë, Aleksandar Çupiç, nuk do të marrë pjesë në samitin BE-Ballkani Perëndimor, i cili do të mbahet javën e...
15:50 | 21/11/2026

85 gra në Norvegji u mashtruan për 750 mijë euro, policia norvegjeze heton rrjetin që drejtohej nga Kosova

Policia norvegjeze është duke hetuar një rrjet të madh mashtrimi financiar në rajonin e Rogalandit, i cili dyshohet se drejtohej nga tre persona që qëndronin...
14:32 | 21/11/2026

“Qëndro i fortë baca Jakup”, qytetarët përshëndesin Krasniqin teksa niset për në Hagë (VIDEO)

Momenti kur Jakup Krasniqi përshëndetet me familjarët Mes lotësh e përqafimesh, Jakup Krasniqi largohet nga shtëpia e tij për t’u kthyer në Hagë Jakup Krasniqi...
13:06 | 21/11/2026