Laçi, trajneri Osmani: Më shqetëson kjo situatë

Abissnet Superiore | 2 minuta më parë

“Duhet të analizojmë këtë ndeshje dhe situatën e përgjithshme”. Trajneri i Laçit, Qatip Osmani nuk e fsheh shqetësimin e tij pas humbjes 1-0 përballë Teutës në javën e 12-të të “Abissnet Superiore”.

Në analizën e tij për “Super Gol”, trajneri i kurbinasve u shpreh: “Në pjesën e parë menduam më shumë për lojën mbrojtëse dhe deri diku ia arritëm, nuk pësuam gol, nuk e lejuam kundërshtarin të krijonte shumë raste. Në pjesën e dytë pësuam gol shpejt dhe ishim të detyruar, si me zëvendësimet ashtu dhe me sistemin e lojës, të ndryshonim diçka por nuk ia arritëm”.

“Munguan rastet gjatë pjesës së paë? Për fat të keq, sulmuesin kryesorë e kemi të dëmtuar, u detyruam të improvizojmë me lojtar që nuk është klasik sulmues. Gjithashtu menduam më shumë për mbrojtjen. Në pjesën e dytë ndryshuam diçka, por nuk ia arritëm”.

“Me shqetëson kjo situatë. Duhet të analizojmë këtë ndeshje dhe situatën e përgjithshme. Ka dhe shumë ndeshje, duhet të shikojmë përpara”.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme