Makina elektrike “çmendet” në mes të natës, tenton 868 herë të parkohet pa askënd në timon

Shkruar nga: V Gashi | Publikuar më: 21.11.2026, 19:26

Një makinë elektrike në Kinë ka bërë një roje sigurie të mbetet i habitur, pasi është filmuar duke tentuar të parkohet vazhdimisht, pa pasur askënd në timon.

Ngjarja ka ndodhur në orën 03:00 të mëngjesit, në një garazh nëntokësor në provincën Anhui. Kamerat e sigurisë kanë regjistruar automjetin duke lëvizur vazhdimisht para dhe mbrapa, duke u përpjekur të pozicionohej në një vend parkimi.

Zhurmat kanë tërhequr vëmendjen e rojës së sigurisë, i cili ka shkuar të kontrollojë se çfarë po ndodhte, por është habitur kur ka parë se brenda makinës nuk ndodhej askush.

Surpriza ka qenë edhe më e madhe për pronarin, i cili mëngjesin tjetër ka kontrolluar historikun e automjetit dhe ka zbuluar se funksioni i parkimit automatik ishte aktivizuar plot 868 herë gjatë natës.

Në fund, makina është ndalur pranë një automjeti tjetër të parkuar, por ende nuk dihet me siguri se çfarë e shkaktoi këtë sjellje të pazakontë.

Sipas raportimeve të mediave të huaja, ngjarja mund të ketë lidhje me një konkurs të organizuar nga Huawei, ku pronarët e automjeteve shpërbleheshin për përdorimin e funksioneve inteligjente të parkimit. Megjithatë, një defekt në sistem apo aktivizimi i përsëritur nga distanca mbeten gjithashtu shpjegime të mundshme.

Pamjet janë shpërndarë gjerësisht në rrjetet sociale, duke shkaktuar reagime dhe komente humoristike nga përdoruesit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit