Rënia e raketave ruse, Mark Rutte: NATO do të mbrojë çdo centimetër të territorit të Polonisë

Sekretari i Përgjithshëm i NATO-s, Mark Rutte ka deklaruar nga Varshava se Aleanca Atlantike do të mbrojë çdo centimetër të territorit polak, pas rënies së raketave ruse në juglindje të Polonisë.

Rutte e cilësoi ngjarjen si një incident të rrezikshëm, të lidhur pa dyshim me luftën e agresionit të Rusisë kundër Ukrainës.

Kreu i NATO-s bëri të ditur se kishte kontaktuar që një ditë më parë me kryeministrin polak, Donald Tusk si dhe me presidentin Karol Naërocki, për të diskutuar zhvillimet.

“Polonia është një aleat i fortë. Këtu keni forca të armatosura të shkëlqyera. Tani duhet të përcaktojmë me saktësi se çfarë ka ndodhur”, deklaroi Rutte.

Ai shtoi se komandanti i forcave të NATO-s në Europë do të bëjë gjithçka për të identifikuar dobësitë e mundshme në sistemin e parandalimit dhe mbrojtjes së Aleancës.

Sipas Rutte, ky vlerësim do të shërbejë për të përcaktuar nëse janë të nevojshme ndryshime në mekanizmat e mbrojtjes, me qëllim garantimin e sigurisë së vendeve anëtare.

“Ne do të mbrojmë çdo centimetër të territorit polak”, theksoi sekretari i Përgjithshëm i NATO-s.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri