Rama dialog me studentët? Nënkryetari i Bashkisë Tiranë “i çjerr maskën” pa dashje kryeministrit

Takimi i zhvilluar nga kryeministri Edi Rama mbrëmjen e kaluar në Pallatin e Brigadave, i prezantuar si një dialog me studentë protestues, po shoqërohet me pikëpyetje mbi identitetin dhe përfaqësimin e të rinjve që morën pjesë në të.

Gjithçka nisi me publikimin e një fotografie dhe më pas të një videoje nga vetë kreu i qeverisë, i cili pretendoi se kishte zhvilluar një bisedë me studentë që kërkojnë dialog dhe distancohen nga dhuna. Por ky version u vu në diskutim, pasi prej javësh studentët protestues kanë refuzuar ftesat e Ramës për t’u ulur në tryezë me të.

Për këtë arsye, prania e disa të rinjve në Pallatin e Brigadave ngriti dyshime nëse ata përfaqësonin vërtet lëvizjen studentore apo ishin persona të tjerë të afërt me strukturat politike.

Një detaj që tërhoqi vëmendjen u publikua sot nga Andi Seferi, nënkryetar i Bashkisë së Tiranës. Në postimin e tij, ai ndau një fotografi ku shfaqet djali i tij, Mateo Seferi, duke i shtrënguar dorën kryeministrit Edi Rama.

Lidhja familjare nuk përfundon këtu. Nëna e Mateos, Denada Seferi, mban postin e zëvendësministres së Shëndetësisë.

Kështu, një publikim i bërë nga vetë nënkryetari i Bashkisë së Tiranës zbuloi një prej personave që kishte marrë pjesë në takimin e Ramës, duke ngritur pikëpyetje mbi mënyrën se si u përzgjodhën të rinjtë që u prezantuan si pjesë e dialogut me studentët protestues.

Në një kohë kur protesta studentore vijon dhe kërkesat e saj mbeten të pandryshuara, çështja që shtrohet është nëse takimi në Pallatin e Brigadave përfaqësonte realisht zërin e studentëve që protestojnë apo një grup të rinjsh të zgjedhur jashtë përfaqësimit të tyre.

360grade.al

Monarkia e pashpallur e stabilitetit!

Të tjera

Galeria
Rreth nesh

360 grade.al është një portal që synon të sjellë shumë të vërteta të fshehura dhe të anashkaluara në realitetin shqiptar. Simbas parimit se e Vërteta nuk është monopol i askujt dhe se përgjithësisht e drejta është më shumë në Mes, se sa në Skaj.

Duke refuzuar radikalizmin politik, apo atë të qëndrimeve, si një përcjellës të Gënjeshtrës përmes deformimit, Errësirës përmes zhurmës dhe të Antishtetit përmes kauzave të rreme, nga cilido krah ai të paraqitet.

Kontakt

Adresa: Rruga Gjin Bue Shpata,
Njësia Bashkiake Nr.5. Kati i 1.
Tirane, Shqipëri