Partizani pësoi sërish humbje, teksa u mposht me rezultatin minimal 1-0 nga Vllaznia në kryeqytet. Në përfundim të takimit, trajneri i të kuqve, Mislav Karoglan, dha deklaratën e tij për mediat.
“Jam dakord që ishte një ndeshje e vështirë për ne. Që në fillim synonim të kontrollonim lojën. Atë zjarrin në sy, atë mënyrën për të gjetur golin.
Të lidhura
None found
Ju penalizoi fakti që krijuat dendësi, por nuk i bëtë çiftet anësore dhe nuk e dominuat Vllazninë për të finalizuar aksionin?
Ishte ndeshja më e mirë për sa u përket rasteve të krijuara. Me Toman, Sidibe, Kazeem. Në ndeshje të tilla duhet të jesh më i saktë para portës.
Kjo ndodhi në 10 minutat e fundit. Kishim një lojtar më shumë në fushë. E futa Sidiben që të izolohej në krahun e djathtë, por nuk patëm shumë diagonale. Parimi i skuadrave të mia është diagonaliteti. Kjo është ajo që punoj më shumë dhe që më shqetëson.
Ne i përdorim sistemet, por do të shohim edhe në varësi të lojtarëve që do të kemi në dispozicion”, u shpreh Karoglan.







