“Mirënjohje dhe nderim për Rilindasit që njehsuan gjuhën shqipe”/ Urimi i Metës për ditën e Alfabetit: Krenarë për identitetin tonë kombëtar

22/11/2026 10:39

Ish-presidenti Ilir Meta ka uruar nga paraburgimi Ditën e Alfabetit të Gjuhës Shqipe, duke shprehur mirënjohje për Rilindasit dhe figurat e shquara që kontribuuan në njehsimin e alfabetit në Kongresin e Manastirit.

Në mesazhin e tij, Meta e cilëson gjuhën shqipe si themelin e identitetit kombëtar dhe thekson krenarinë për historinë dhe trashëgiminë gjuhësore.

Postimi i plotë i Metës:

Gëzuar Ditën e Alfabetit të gjuhës sonë të bukur shqipe!

Një gjuhë e shkruar me gërma gjaku dhe sakrifica heroike të panumërta.

Mirënjohje dhe nderim përjetë kolosëve të gjuhës shqipe dhe Rilindasve të kombit, të cilët 118 vjet më parë, në Kongresin e Manastirit, njehsuan alfabetin, themelin e identitetit dhe bashkimit tonë kombëtar, duke i paraprirë Pavarësisë së Shqipërisë.

Shqipja është rrënja jonë, historia jonë dhe shpirti i kombit shqiptar. Një gjuhë e larë me gjak, e mbajtur gjallë me sakrifica dhe e trashëguar si amanet i shenjtë brez pas brezi. Krenarë për gjuhën, historinë dhe identitetin tonë kombëtar!

Top Channel