Këngëtarja e njohur amerikane Miley Cyrus i ka dhënë fund beqarisë, duke kurorëzuar dashurinë me bateristin Maxx Morando në një ceremoni intime, të zhvilluar të shtunën, më 21 nëntor, në Palm Springs të Kalifornisë.
Dasma u zhvillua në një rreth të ngushtë familjarësh, miqsh dhe të afërm, larg ceremonive madhështore dhe vëmendjes së tepërt mediatike. Fotot e publikuara nga ceremonia tregojnë çiftin pranë një pishine, të ulur nën një hark të zbukuruar me lule të bardha, në një atmosferë romantike.
🔗: https://t.co/j7MTVCtFxm
#MileyCyrus can buy herself flowers, but this time #MaxxMorando brought the ring. 💍🥹 The couple said “I do” in an intimate Palm Springs ceremony on Nov. 21. Swipe to see exclusive photos from the newlyweds’ special day and head to the link for more.
📷: Backgrid
— People (@people) November 22, 2026
Sipas Entertainment Tonight, që raportoi i pari lajmin, mes të ftuarve ishin nëna e këngëtares, Tish Cyrus, motra e saj e vogël Noah dhe babai Billy Ray Cyrus, me të cilin Miley ka pasur një marrëdhënie të tensionuar dhe një periudhë të gjatë largësie.
Për ditën e saj të veçantë, Miley, 33 vjeçe, zgjodhi një fustan nusërie elegant dhe minimalist, me shpinë të hapur, ndërsa flokët i kishte mbledhur në një topuz të lartë. Dhëndri, 28-vjeçar, u shfaq me një kostum klasik të zi dhe këmishë të bardhë.
Momentet më emocionuese të ceremonisë u regjistruan gjatë betimeve të martesës. Në videot e publikuara, Miley duket e përlotur ndërsa Maxx lexon fjalët e tij, duke fshirë lotët dhe duke u përpjekur të përmbajë emocionet.
Miley, Maxx And Billy Ray Cyrus at Miley’s Wedding 🥹
via backgrid https://t.co/tOoqgYZ9GV
— MILEY Updates (@MileyUpdates) November 22, 2026
Vëmendje të veçantë tërhoqi edhe unaza e fejesës së këngëtares, e dizenjuar nga Jacquie Aiche. Ajo përmban një diamant të prerë në formë jastëku, me peshë rreth katër karat, të vendosur në ar 14-karatësh.
Pas ceremonisë, çifti organizoi një pritje në të njëjtin vend, rezidencën e njohur Twin Palms, e projektuar në vitin 1947 nga arkitekti E. Stewart Williams. Ambienti u shndërrua në një hapësirë përrallore për festën e të sapomartuarve.
Një ditë para dasmës, Miley dhe Maxx kishin organizuar gjithashtu një darkë për familjarët dhe miqtë e tyre. Motra e këngëtares, Lily-Rose Purcell, ndau disa fotografi në Instagram Stories, ku zbuloi detaje nga menuja dhe dekorimi i mbrëmjes.
Miley Cyrus dhe Maxx Morando u njohën në një takim të organizuar në mënyrë diskrete, ndërsa lidhjen e tyre e bënë publike në vitin 2021. Pas disa vitesh së bashku, çifti u fejua në vitin 2025, duke kurorëzuar tashmë historinë e tyre të dashurisë me martesë.
Here are photos from Miley Cyrus and Maxx Morando’s wedding weekend in Palm Springs https://t.co/gRyorRKG3G
— twicethejoy (@Runitupdeji) November 21, 2026
