Dështojnë bisedimet për klimën, BE dhe disa vende refuzojnë propozimin përfundimtar të marrëveshjes

22 Nëntor 2026 | 15:45

Bisedimet e COP31 nuk kanë arritur të arrijnë një marrëveshje për klimën pasi Bashkimi Evropian dhe një numër vendesh refuzuan një propozim përfundimtar mbi mospërfshirjen e lëndëve djegëse fosile.

Presidenti i COP31 dhe Ministri Turk i Mjedisit, Murat Kurum, pranoi se marrëveshja nuk kishte arritur konsensus.

“E kuptoj që nuk ka marrëveshje për këtë tekst. Për këtë arsye, këto vendime nuk janë miratuar”, tha ai në seancën përmbyllëse të konferencës në Antalia të Turqisë.

Darragh O’Brien, ministri i klimës dhe energjisë për Irlandën, e cila mban presidencën e radhës të BE-së, kishte thënë më parë se BE-ja “nuk do të mbështeste një vendim mbulues, ose një Pakt të Antalias, që as nuk përmend lëndët djegëse fosile, të cilat janë nxitësi kryesor i ndryshimeve klimatike”.

Ai shtoi se BE-ja dhe shtetet anëtare të saj kundërshtojnë draftin sepse nuk i plotëson momentet.

Një draft-marrëveshje e re e COP31 ishte publikuar herët të dielën, mes një debati mbi lëndët djegëse fosile, të cilat kanë qenë një pikë e nxehtë në bisedimet e fundit.

Kjo erdhi pasi një draft i mëparshëm kishte bërë thirrje për një heqje graduale të përshpejtuar të burimeve të energjisë, përpara se një version i dytë i publikuar të enjten të hiqte të gjitha përmendjet e tyre.

Një grup vendesh, përfshirë Francën dhe Panamanë, lëshuan një letër të premten duke këmbëngulur që një marrëveshje të përfshijë një tranzicion të qartë larg lëndëve djegëse fosile.

Sekretari i Përgjithshëm i Kombeve të Bashkuara, Antonio Guterres tha se ishte thellësisht i zhgënjyer që bisedimet kishin përfunduar pa konsensus.

“Ndaj zhgënjimin shumë të thellë të të gjithë atyre që prisnin që qeveritë të ngriheshin në nivelin e duhur për krizën klimatike”, tha Guterres në një deklaratë.

“Ata që përfitojnë nga shkatërrimi i planetit tonë nuk duhet të diktojnë kurrë kushtet e luftës për ta shpëtuar atë. Lëndët djegëse fosile po e nxisin krizën klimatike”, shtoi ai.

Ministri australian i klimës, Chris Bowen, i cili udhëhoqi negociatat, ka shprehur gjithashtu zhgënjimin e tij për rezultatin.

“Fatkeqësisht, nuk arritëm të arrinim një marrëveshje për një vendim mbulimi… Dhe kjo është zhgënjyese. Shumë zhgënjyese”, tha ai.

Samiti u bë konferenca më e gjatë e OKB-së për klimën të dielën, me negociata që u shtrinë dy ditë pas kohës së tyre të planifikuar të përfundimit.

Home Kryefaqja
Shiko në: YouTube
Lajme të Sugjeruara

Guvernatori i Uashingtonit: ICE është plotësisht jashtë kontrollit

Guvernatori demokrat i shtetit të Uashingtonit, Bob Ferguson ka deklaruar se policia amerikane e imigracionit (ICE) është plotësisht jashtë kontrollit. Ky reagim i tij ka...
15:28 | 22/11/2026

Shembet një pallat pesëkatësh pas sulmeve me dronë në Ukrainë, vijojnë kërkimet për 15 të zhdukur

15 persona rezultojnë të zhdukur pasi një sulm me dron rus shkatërroi një pjesë të një ndërtese pesëkatëshe në rajonin e Kievit, tha policia ukrainase...
14:36 | 22/11/2026

William planifikon reforma të reja në monarki, rrezikohen titujt mbretërorë të Harry-t dhe fëmijëve të tij

Princi William po planifikon ndryshime rrënjësore në monarkinë britanike që mund të çojnë në heqjen e titujve mbretërorë nga vëllai i tij, Princi Harry ,...
13:37 | 22/11/2026