• Kontakt
  • Kreu
  • Rreth Nesh
Sunday, November 22, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Kumbaro dënon sulmet ndaj të rinjve që takuan Ramën: Linçimi në rrjetet sociale është terrorizim i hapësirës publike

by A R
22/11/2026 16:01
Shperndaj ne FacebookShperndaj ne Twitter

Ministrja e Arsimit, Mirela Kumbaro, ka reaguar ndaj sulmeve dhe linçimit në rrjetet sociale ndaj të rinjve që morën pjesë në një takim me Kryeministrin Edi Rama, duke e cilësuar këtë fenomen si një formë terrorizimi të hapësirës publike dhe një kërcënim për lirinë e shprehjes.

Në një reagim të gjatë të publikuar këtë të diel, Kumbaro mbrojti të drejtën e të rinjve për të marrë pjesë në debate publike dhe për të shprehur mendimet e tyre pa frikë nga sulmet dhe paragjykimet.

“Askush nuk ka nevojë të marrë leje nga askush për të marrë pjesë në një takim dhe për të shprehur mendimin e vet”, shkroi ministrja, ndërsa paralajmëroi se një shoqëri që i mëson të rinjtë të heshtin rrezikon të humbasë të ardhmen e saj.

Sipas saj, gjatë takimit që zgjati afro tre orë, të rinjtë diskutuan lirisht me kryeministrin, ngritën pyetje, shprehën kritika, propozuan ndryshime dhe morën përgjigje për shqetësimet e tyre.

“Askush nuk cënoi askënd. Askush nuk detyroi askënd. Të rinjtë folën lirisht. Diskutuam. U dëgjuam. Dhe pikërisht kjo është rruga më demokratike e komunikimit në një shoqëri të lirë: të flasim pa frikë dhe të dëgjojmë pa paragjykim”, u shpreh Kumbaro.

Ministrja dënoi ashpër sulmet anonime në rrjetet sociale, duke i quajtur autorët e tyre “terroristë të fjalës së lirë”.

“Është tronditëse të shohësh se në vitin 2026, të rinj që duan të shprehen, kanë frikë të shfaqen publikisht duke folur normalisht. Dhe jo nga autoriteti. Jo nga pushteti. Jo nga shteti. Por nga terroristët anonimë të fjalës së lirë në rrjetet sociale, që kanë si armë linçimin, bullizimin dhe frikësimin”, theksoi ajo.

Kumbaro shtoi se kur një i ri nis të mendojë jo çfarë duhet të thotë, por çfarë do t’i ndodhë nëse e thotë, atëherë, sipas saj, rrezikohet vetë liria e shprehjes dhe funksionimi demokratik i shoqërisë.

Ajo theksoi se liria e fjalës nuk është privilegj i atyre që bërtasin më fort dhe as pronë e profileve anonime në rrjetet sociale.

“Liria e fjalës është e drejta për të folur, por edhe detyrimi për të respektuar të drejtën e tjetrit për të folur dhe për të pasur një qasje të ndryshme. Çdo përpjekje për të zëvendësuar argumentin me dhunën verbale, debatin me linçimin dhe mendimin e lirë me frikën, është një formë terrorizimi në hapësirën publike”, deklaroi ministrja.

Në përfundim, Kumbaro theksoi se Shqipëria nuk duhet të humbasë asnjë pjesë të lirisë së saj demokratike dhe bëri thirrje që kjo liri të mos i dorëzohet kurrë frikës.

“Ne nuk kemi të drejtë t’ia dorëzojmë lirinë frikës. Kurrë më!”, përfundoi ajo.

Postimi i plotë:

ÇFARË KOHE PO JETOJMË, KUR TAKIMI ME NJË AUTORITET PUBLIK TË KTHEN NË TË FAJSHËM?! Fajtor për çfarë?!

Që guxon të flasësh si njeri i lirë dhe i pavarur me Kryeministrin e vendit apo me një ministër? Që bën pyetje, shpreh mendimin tënd, kritikon, nuk dakordësohesh apo kërkon ndryshim?

Dhe për këtë, të kthehesh në shënjestër të sulmeve anonime nga terroristët e fjalës së lirë?!

Kush je ti, që i fshehur si cub pas anonimatit të rrjetit, guxon të masakrosh me thikën virtuale individë me emër e mbiemër, të cilët duhet të ndihen të lirë në një shoqëri që Lirinë e Fjalës e ka paguar më shtrenjtë se shumë shoqëri të tjera në Europë?!

Po ti tjetri, që nga anë e anës së ekranit, anatemon e paragjykon një të ri e i faturon takimin si akt tradhëtie?! Tradhëti ndaj kujt more!! Madje shkon aq larg sa edhe prindin ia quan “bashkëpunëtor në krim”! Çfarë po bëjmë kështu duke vrarë në qelizë ambiciet e të rinjve për të marrë pjesë në nje debat publik!!

Si mundet që FJALA, ajo me të cilën fillojnë Librat e Shenjtë, të të kthejë në viktimë të një persekutimi publik, të organizuar nga profile me maska të zeza, që i japin vetes një mandat të pamandatuar nga askush, aq më pak nga ndonjë organizim demokratik?!

Unë isha në takimin me Kryeministrin, ku për gati tri orë diskutuam me një grup të rinjsh të ftuar nga Agjencia Kombëtare e Rinisë. Mes tyre kishte studentë, maturantë dhe ish-studentë.

Shumë prej tyre folën. Bënë pyetje, kritikuan, u ankuan, nuk u dakordësuan, propozuan, kërkuan ndryshime. Morën përgjigje, u informuan dhe, në fund, pranuan ose nuk pranuan argumentet që dëgjuan.

Askush nuk cënoi askënd. Askush nuk detyroi askënd.

Të rinjtë folën lirisht. Diskutuam. U dëgjuam. Dhe pikërisht kjo është rruga më demokratike e komunikimit në një shoqëri të lirë: të flasim pa frikë dhe të dëgjojmë pa paragjykim.

Si ministre e Arsimit, gjatë kësaj kohe kam takuar të rinj, nxënës dhe studentë, individualisht dhe në grupe. Kemi folur hapur, kemi ndarë shqetësime dhe kemi diskutuar për atë që funksionon, por edhe për atë që çalon në institucionet dhe shërbimet publike.

Këto takime na kanë ndihmuar të kuptojmë më mirë njëri-tjetrin, të kuptojmë më mirë institucionet dhe, mbi të gjitha, të identifikojmë çfarë duhet të ndryshojmë për t’iu përgjigjur më mirë pritshmërive të studentëve dhe të rinjve.

Por është tronditëse të shohësh se në vitin 2026, të rinj që duan të shprehen, kanë frikë të shfaqen publikisht duke folur normalisht!

Dhe jo nga autoriteti. Jo nga pushteti. Jo nga shteti.

Por nga terroristët anonimë të fjalës së lirë në rrjetet sociale, që kanë si armë linçimin, bullizimin dhe frikësimin.

Kur një i ri fillon të mendojë jo çfarë duhet të thotë, por çfarë do t’i ndodhë nëse e thotë, atëherë kemi një problem shumë më të madh se një debat në rrjetet sociale.

Kemi një problem me vetë LIRINË.

Paralizimi i fjalës dhe i lirisë për të dialoguar prodhon mpirje të qytetarit, të Qytetit, të mendimit dhe të veprimit social. Dhe, më tej, paralizon edhe vetë veprimin politik.

Akoma më e rrezikshme bëhet kjo kur në shënjestër vendosen të rinjtë, të cilëve shoqëria duhet t’u japë kurajë civile, t’u nxisë mendimin kritik, përballjen me argumente dhe të vërteta, dëshirën për debat dhe forcën për të vepruar.

Sepse një shoqëri që i mëson të rinjtë të heshtin, është një shoqëri që rrezikon të humbasë të ardhmen e saj.

Askush nuk ka nevojë të marrë leje nga askush për të marrë pjesë në një takim dhe për të shprehur mendimin e vet.

Dhe askush nuk ka të drejtë të ndalojë, aq më pak të kërcënojë, cilindo që zgjedh të flasë në emër të lirisë së tij për t’u shprehur dhe për t’u dëgjuar.

Liria e fjalës nuk është privilegj i atyre që bërtasin më fort. Aq më pak i atyre që shqyejnë trotuare publike apo ekonomi private.

Liria e fjalës nuk është pronë e profileve anonime! Nuk është as mandat për të poshtëruar, frikësuar apo përjashtuar të tjerët nga debati publik.

Liria e fjalës është e drejta për të folur, por edhe detyrimi për të respektuar të drejtën e TJETRIT për të folur dhe për të pasur një qasje të ndryshme.

Çdo përpjekje për të zëvendësuar argumentin me dhunën verbale, debatin me linçimin dhe mendimin e lirë me frikën, është një formë terrorizimi në hapësirën publike. Madje shumë e rrezikshme!

Shqipëria nuk e ka dhe nuk duhet ta ketë kurrë luksin të humbasë as edhe një milimetër të lirisë së saj dhe të rendit kushtetues demokratik.

Sepse këtë liri, prindërit e të rinjve të sotëm e kanë fituar me sakrificën e jetës së shkuar në diktaturë!

Dhe ne nuk kemi të drejtë t’ia dorëzojmë LIRINË frikës!

Leave a Reply Cancel reply

Your email address will not be published. Required fields are marked *

TË FUNDIT

Kumbaro dënon sulmet ndaj të rinjve që takuan Ramën: Linçimi në rrjetet sociale është terrorizim i hapësirës publike

Kumbaro dënon sulmet ndaj të rinjve që takuan Ramën: Linçimi në rrjetet sociale është terrorizim i hapësirës publike

November 22, 2026
Buxheti afatmesëm i BE-së shkakton debate, Franca dhe Gjermania kundërshtojnë planin

Buxheti afatmesëm i BE-së shkakton debate, Franca dhe Gjermania kundërshtojnë planin

November 22, 2026
Ende pak vajza në profesionale, të rejat përbëjnë vetëm 17.2 për qind të këtij arsimi

Ende pak vajza në profesionale, të rejat përbëjnë vetëm 17.2 për qind të këtij arsimi

November 22, 2026
Berisha ‘dorëzohet’ edhe për 5 bashkitë e tjera: Mbështesim të pavarurit kudo që ndodhen!

Ripërtëritje me licencë nga Berisha

November 22, 2026
Turizmi i “uritur” për punëtorë, operatorët: Kemi rritur rrogat por nuk plotësojmë dot vendet bosh

Vlora jo më e italianëve, tendencë në rënie për të investuar, pushuar apo jetuar

November 22, 2026
Zhvillohet ceremonia e çmimeve Orkide 2026

Zhvillohet ceremonia e çmimeve Orkide 2026

November 22, 2026
63 vite nga vrasja e John Kennedy, atentati që tronditi Amerikën dhe misteret që ende nuk kanë marrë përgjigje

63 vite nga vrasja e John Kennedy, atentati që tronditi Amerikën dhe misteret që ende nuk kanë marrë përgjigje

November 22, 2026
Rama takohet me Ali Ahmetin në Maqedoninë e Veriut, zbardhet çfarë u diskutua për shqiptarët dhe bashkëpunimin mes dy vendeve

Rama takohet me Ali Ahmetin në Maqedoninë e Veriut, zbardhet çfarë u diskutua për shqiptarët dhe bashkëpunimin mes dy vendeve

November 22, 2026
Demokratët përgatitin lëvizjen që mund t’i presë fondet Trumpit për luftën me Iranin

Demokratët përgatitin lëvizjen që mund t’i presë fondet Trumpit për luftën me Iranin

November 22, 2026
Rekrutohen përmes TikTok, The Sun zbulon skemën e trafikantëve shqiptarë në Britani, 2,100 paund në javë për punonjësit e rinj

Rekrutohen përmes TikTok, The Sun zbulon skemën e trafikantëve shqiptarë në Britani, 2,100 paund në javë për punonjësit e rinj

November 22, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In